ما تيجو نثير الجدل😂
الباحث_الاثري_احمد_اشرف_بدوي
تعالو أكلمكو انهاردة عن احد الغاز الحضارة العظيمة دي تعالو نرجع بالزمن كدة لورا لحد الأسرة 19 الملكية المصرية رجعتو معايا بالزمن تعالو نسافر بقى سوا مع بعض لأرض الألغاز والكنوز والتاريخ تعالو نروح الأقصر وتحديدا البر الغربي تحديداً اكتر في وادي الملك تحديداً اكتر واكتر جوة مقبرة عزيز مصر سيتى الأول
زمان سنة 1817 في باحث اثري ومنقب إيطالي اسمه بليزوني الله يرحمة بقى 😥الراجل دة كان من اعظم الباحثين في تاريخنا وحضارتنا وهاقولكم ليه بس بعدين المهم الراجل دة وهو بيتمشى في مقبرة سيتي هده الفضول كدة وشال بلاطه من الأرضية لقى ايه بقى لقي فتحه سريه لسرداب 😱 اه والله زي ما بقولكم كدة سرداب عظيم الراجل امر بالنزول في المكان دة والحفر لكن بسبب ضعف الإمكانيات في الوقت دة نزل حوالي 60 متر ومقدرش يكمل بسبب نقص الاكسچين والإرهاق وعدم المقدرة علي استكمال الأعمال ووقف الحديث عن الموضوع لحد ما جينا لسنة 1960 تقريباً جه الشيخ علي عبد الرسول ايه دة استنى من الشيخ علي عبد الرسول دة “هاقولكم” دة احد أفراد عائلة عبد الرسول الي اتشهرو بالكشف عن المقابر الأثرية وهانرجعلهم في برست تاني بردو عشان نحكي عن إسهاماتهم في علم المصريات عموماً وعلم الحفائر خصوصاً المهم جه الشيخ علي وقرر يكمل الحفر ووصل لحد 100 متر تقريباً بس للأسف بسبب برضو قله الإمكانيات ضاعت منه المعالم الاصليه للسرداب المنحوت في الصخر وتاه ومقدرش يوصل للنهايه وفضل الراجل ينادي يا خلق ياهو الحقونا في اكتشاف عظيم هنا ساعدوني وفضل ينادي الراجل ولا حد سمع لحد ما جات سنة 1988 وانتقل الشيخ علي الي رحمة الله ورجع الموضوع ينام تاني لحد ما جه استاذنا الكبير الدكتور زاهي حواس في عام 2007 يعني بعد 19 سنة من وفاة الشيخ علي وقرر الدكتور زاهي الحفر وكان معاه المؤسسة العظيمة ناشيونال جيوجرافيك واستمرو في الحفر والتنقيب لحد ما وصلو 175 متر 😱😰 وحصلت المفاجأة لقو ساعتها بوابة ضخمة وعليها نقوش بتشير لكهوف علوم أوزير الي بيتقال إنها محمية بالأفاعي والعقارب السامة وأن من يقترب سيضرب بجناحين الموت مش بيفكركو بحاجة الكلام دة المهم نرجع لموضوعنا الشغل مرة واحدة وقف لأنهم وقتها لقو سدة حجرية كبيرة جداً بس هل دي النهايه ولا متاهة من اجدادنا العظماء عشان محدش يكشف السر المدفون علي العمق دة ما هو أكيد سرداب بالعمق دة مش معمول كدة وخلاص لأنهم لقو اوشبت وشقف يثبت ان السرداب دة في وراه سر عظيم جدا هل اكتشفو حاجة وخبوها ولا ايه الي حصل ولسه في باطن الأرض الكثير اسف لو طولت عليكم
#الباحث_الاثري_احمد_اشرف_بدوي
Egyptology Researcher Ahmed Ashraf Badawy
