الحروق.. أخطاء شائعة وطرق الإسعاف الصحيحة

أكيد كلنا سمعنا جُمل زي: “حط معجون أسنان على الحرق، هيخف” أو “حط عسل، ده علاج طبيعي”! 🧐
لكن هل الحاجات دي فعلًا بتساعد؟ ولا ممكن تضر أكتر؟ 🤔 خلونا نعرف الحقيقة!

🔥 إيه هي الحروق؟

الحروق هي إصابات بتحصل لما الجلد يتعرض لحرارة عالية أو مواد مؤثرة زي النار، المواد الكيميائية، الكهرباء، أو الأشعة.

✅ أنواع الحروق:

1️⃣ حروق حرارية: بسبب النار أو المياه السخنة.
2️⃣ حروق كيميائية: بتحصل من التعرض للأحماض أو المواد القلوية.
3️⃣ حروق كهربائية: بسبب صدمات كهربائية، ودي أخطرهم لإنها بتأثر على الأنسجة الداخلية.
4️⃣ حروق إشعاعية: زي حروق الشمس أو التعرض للإشعاعات في بعض المصانع.

🩹 درجات الحروق:

🔹 الدرجة الأولى: سطحية، بتسبب احمرار وألم بسيط.
🔹 الدرجة الثانية: أعمق، بتسبب فقاعات مائية وألم شديد.
🔹 الدرجة الثالثة: بتدمر طبقات الجلد وبتأثر على الأعصاب، وغالبًا المصاب مش بيحس بألم بسبب تلف الأعصاب.

⛑️ الإسعافات الأولية للحروق:

لو حصلت إصابة، اتبع الخطوات دي فورًا:

1️⃣ اتأكد إن المكان آمن ليك وللمصاب.

2️⃣ وقف مصدر الحرق فورًا.
3️⃣ حط المكان المصاب تحت مياه جارية (باردة، مش مثلجة) لمدة 10-20 دقيقة.
4️⃣ غطي الحرق بضمادة نظيفة وغير لاصقة، ومتستخدمش قطن!
5️⃣ متلمسش الحرق بإيدك عشان متسببش عدوى.
6️⃣ لو الحرق من الدرجة الثانية أو الثالثة، لازم تروح للدكتور فورًا.

❌ العسل، معجون الأسنان،والدقيق.. غلط!

معجون الأسنان، العسل، البيض، الدقيق وغيرهم، مش بيعالجوا الحروق! بالعكس، بيكتموا الحرارة جوه الجلد وبيزودوا المشكلة.
العسل مفيد فعلًا، لكن لما يتاكل، مش يتحط على الجلد! 🍯

اتعلم الصح.. وكن مستعد لأي موقف طارئ! 💪

🔹 المقال نقلاً عن كوتش محمد العدوي – محاضر الإسعافات الأولية  في HealthyLife.