من المسرح للتريند.. محمد الموافي وحبيبه الشوبكي بيضحكوا 3 مليون متابع
من المسرح للتريند.. محمد الموافي وحبيبه الشوبكي بيضحكوا 3 مليون متابع
من أحسن ممثل على مستوى الجمهورية 2020.. لنجوم الكوميديا على السوشيال ميديا
في زمن بقى فيه الضحك صعب، في اتنين قرروا يرجعوا الضحك الأصيل بتاع زمان، ضحك الفلاحين، ضحك الناس الطيبة اللي من قلب الريف.
محمد أحمد الموافي، وشهرته محمد الموافي، هو وحبيبه علي الشوبكي،
وشهرتها بيبه الشوبكي
عملوا حالة مختلفة على السوشيال ميديا، بفيديوهات كوميدية عن طريق شخصيات الفلاحين الكوميديين، فيديوهات بتدخل كل بيت وبتضحك الكبير قبل الصغير.
وقال محمد الموافي: «احنا أصلا ممثلين مسرح، وأنا حاصل على أحسن ممثل على مستوى الجمهورية سنة 2020 في المسرح، والحمد لله طلعنا في كذا لقاء على التلفزيون، وبعدها قررنا نوصل فننا للناس كلها عن طريق السوشيال ميديا».
وأضاف: «احنا بنقدم فيديوهات كوميدية عن طريقة شخصيات الفلاحين الكوميديين، شخصيات من قلب البلد، الناس بتحبها وبتحس إنها منها، عشان كده الناس حبتنا».
والنجاح ماجاش من فراغ، النهاردة محمد الموافي وحبيبه الشوبكي ليهم حوالي 3 مليون متابع على السوشيال ميديا، وملايين المشاهدات، والناس كلها بتستنى فيديوهاتهم الجديدة.
محمد الموافي مش مجرد صانع محتوى، هو فنان مسرح حقيقي، اتعلم أصول التمثيل على خشبة المسرح، وده اللي خلى فيديوهاته مختلفة، فيها تمثيل بجد وضحك من القلب، مش ضحك مصطنع.
واختتم محمد الموافي حديثه قائلاً: «هدفنا إننا نضحك الناس ونبسطهم، ونقدم فن نضيف يليق بكل بيت مصري، واللي جاي أحسن إن شاء الله».
تابعوهم على:
almowafy1983
الفلاح_موافي_والفلاحه_بيبه
محمد_الموافي
حبيبه_الشوبكي
الفلاحين_الكوميديين
almowafy1983